Biləsuvar rayonunda qeyri-dövlət sektorunda çalışanların orta aylıq əməkhaqqında artım olub.

"Report"un Muğan bürosunun məlumatına görə, 2024-cü ilin yanvar-iyun aylarında muzdla çalışan işçilərin orta aylıq nominal əməkhaqqı dövlət sektorunda 748,8 manat, qeyri-dövlət sektorunda isə 524,8 manat təşkil edib.

Ötən ilin yanvar-iyun aylarına nisbətən muzdla çalışan işçilərin orta aylıq nominal əməkhaqqı dövlət sektorunda 6,7 faiz azalıb, qeyri-dövlət sektorunda isə 7,7 faiz artıb. Elektrik enerjisi, qaz və buxar istehsalı, bölüşdürülməsi və təchizatı, informasiya və rabitə, maliyyə və sığorta fəaliyyəti, dövlət idarəetməsi və müdafiə; sosial təminat, təhsil, əhaliyə səhiyyə və sosial xidmətlərin göstərilməsi və digər sahələrdə xidmətlərin göstərilməsi sahələrində çalışanların orta aylıq nominal əməkhaqqı orta rayon göstəricisindən yüksək olub.

Həmçinin 2024-cü ilin yanvar-iyun aylarında rayonun iqtisadiyyatında muzdla çalışan işçilərin orta aylıq nominal əməkhaqqı 656,5 manat təşkil edib və 2023-cü ilin yanvar-iyun aylarına nisbətən 2,2 faiz azalıb.

Oxşar xəbərlər

Azərbaycanda könüllü sığorta 12%, icbari sığorta isə 3% artıb

Biləsuvarda bir sıra sahələrdə artım qeydə alınıb

Bu gün xüsusi dövlət mühafizəsi sahəsində çalışan əməkdaşların peşə bayramıdır

PAŞA Sığortadan KASKO sığortası üzrə “Yayın son fürsəti”!

Bakıda orta aylıq əməkhaqqı 8%-ə yaxın artıb