"İnkişaf üçün maliyyə" MMC bank olmayan kredit təşkilatı (BOKT) 2025-cü ili 866 min manat xalis mənfəətlə başa vurub.

"Far.Az" BOKT-un maliyyə hesabatına istinadən xəbər verir ki, bu, 2024-cü illə müqayisədə 26,2 % çoxdur.

Ötən il "İnkişaf üçün maliyyə"nin vergiyəqədərki mənfəəti 995 min manat (əvvəlki ilə nisbətən 45,7 % çox), mənfəət vergisi ödəmələri 129 min manat (əvvəlki il qənaət olub) təşkil edib.

Bu ilin yanvarın 1-nə "İnkişaf üçün maliyyə"nin aktivləri 12,314 milyon manat olub ki, bu da illik müqayisədə 8,9 % çoxdur. Bunun 10,971 milyon manatı müştərilərə verilmiş kreditlərdir. 2025-ci ildə BOKT-un kredit portfeli 7,1 % böyüyüb.

Hesabat dövründə "İnkişaf üçün maliyyə"nin öhdəlikləri 4,2 % artaraq 3,392 milyon manata, balans kapitalı isə 10,8 % artaraq 8,921 milyon manata çatıb.

Xatırladaq ki, "İnkişaf üçün maliyyə" 2002-ci ildə yaradılıb. Onun nizamnamə kapitalı 300 min manatdır. BOKT-un təsisçisi 100 % Böyük Britaniyanın "Oksfam" təşkilatıdır.

Oxşar xəbərlər

Maşın qiymətinə olan telefon nömrələri satışa çıxarıldı - SİYAHI

"İdeal Kredit" BOKT maliyyə vəziyyətini açıqlayıb

"Regional" BOKT maliyyə vəziyyətini açıqlayıb

"Azmikroinvest" BOKT-un xalis mənfəəti 22 % artıb

"M Bulak" BOKT-un xalis mənfəəti 40 %-ə yaxın azalıb