İran İsrailə yönəlmiş hərbi əməliyyatların dayandırıldığını bəyan edib.

BAKU.WS xəbər verir ki, bu barədə İranın "Fars" agentliyi məlumat yayıb.

Bildirilib ki, İran Silahlı Qüvvələri hazırda İsrailə qarşı hücumları davam etdirmir.

Bununla belə, Tehran bölgədə vəziyyətin yenidən gərginləşəcəyi halda sərt addımlar atacağını da istisna etməyib. Xüsusilə qeyd olunub ki, İsrail ordusu Livanda "Hizbullah"a qarşı əməliyyatlarını davam etdirərsə, İran daha güclü cavab tədbirlərinə əl ata bilər.

Xatırladaq ki, iyunun 7-dən 8-nə keçən gecə İran İsrail ərazisinə raket zərbələri endirmişdi. Tehran bu addımı İsrailin Livanda "Hizbullah"a qarşı həyata keçirdiyi hərbi əməliyyatlara cavab kimi qiymətləndirmişdi. Ardınca İsrail ordusu İranın mərkəzi və qərb bölgələrində yerləşən bir sıra hərbi hədəflərə zərbələr endirib.

ABŞ Prezidenti Donald Tramp isə tərəfləri vəziyyəti daha da gərginləşdirməməyə və təmkin nümayiş etdirməyə çağırıb.

Oxşar xəbərlər

Nazirlik bu yanacaqdoldurma məntəqəsinin fəaliyyətini dayandırdı

Nazirlik mebel sexinin fəaliyyətini dayandırdı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib