"Atletiko" argentinalı hücumçu Xulian Alvaresin transferi ilə bağlı "Real"ın 150 milyon avroluq təklifindən imtina edib.

"Far.Az" xəbər verir ki, bu barədə "Kral klubu"nun mətbuat xidməti məlumat yayıb.

Məlumata görə, "Real"ın Direktorlar Şurasının iclasında Alvaresin hüquqlarının €150 milyona alınması barədə qərar qəbul edilib, lakin Madridin digər təmsilçisi "Atletiko" oyunçunun satınalma bəndinə istinadən təklifi rədd edib.

Qeyd edək ki, 26 yaşlı Xulian Alvares 2024-cü ildən "Atletiko Madrid"in heyətində çıxış edir. Daha əvvəl hücumçu İngiltərənin "Mançester Siti" klubunda oynayıb və komandanın tərkibində iki dəfə İngiltərə çempionu (2023, 2024), bir dəfə Çempionlar Liqasının (2023), klublararası dünya çempionatının (2023) qalibi, ölkə Kubokunun (2023) və Superkubokunun (2024), UEFA Superkubokunun (2023) sahibi olub.

Alvares Argentina millisinin heyətində 51 oyun keçirib, 14 qol vurub və 4 məhsuldar ötürmə edib. Hücumçu milli komanda ilə birlikdə 2022-ci il dünya çempionatını, Amerika kubokunu (2021, 2024) və Finalissimanı (2022) qazanıb.

Xatırladaq ki, mayın 29-da İspaniyanın "Barselona" klubu argentinalı hücumçu Xulian Alvares üçün "Atletiko"ya 100 milyon avroluq rəsmi təklif göndərib.

Oxşar xəbərlər

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6

İlham Əliyev Vaşinqtonda Sülh Şurasının ilk iclasında iştirak edib

Alla Puqaçova ilə 11 il yaşadığı evi 240 milyona satır

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib