Ukrayna Xerson vilayətini işğal altında olan Krımla birləşdirən Çonqar körpüsünün tamamilə istifadədən çıxarıldığını açıqlayıb.

BAKU.WS xəbər verir ki, bu barədə Ukraynanın Dezinformasiyaya Qarşı Mübarizə Mərkəzinin rəhbəri Andrey Kovalenko teleqram kanalında paylaşım edib.

"Çonqar körpüsü tamamilə məhv edilib", – deyə o bildirib.

Məlumata görə, Ukrayna Silahlı Qüvvələrinin 1-ci əlahiddə hücum alayı iyunun 9-na keçən gecə FP-2 tipli pilotsuz uçuş aparatları ilə körpüyə yenidən zərbə endirib. Bildirilir ki, nəticədə körpü tamamilə sıradan çıxıb və Ukraynanın materik hissəsi ilə işğal altındakı Krım arasında əsas logistika marşrutu bağlanıb.

Qeyd olunub ki, körpü ilk dəfə iyunun 7-də zədələnmiş, həmin vaxt yolun bir hissəsi dağıdılmışdı.

Ukrayna tərəfinin iddiasına görə, Rusiya ordusu Çonqar körpüsündən Krımdan cənub cəbhəsinə hərbi texnika və sursat daşınması üçün istifadə edirdi.

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2