Finlandiya müdafiə naziri Antti Hyakkyanen Ukraynaya məxsus pilotsuz uçuş aparatlarının yaratdığı təhlükə səbəbindən Finlandiya körfəzində hava və dəniz hərəkətinin müvəqqəti dayandırıla biləcəyini bildirib.

Far.Az xəbər verir ki, nazir bu barədə "Ilta-Sanomat" qəzetinə müsahibəsində danışıb.

Onun sözlərinə görə, iyulun 4-ü səhər saatlarında tətbiq edilən məhdudiyyətlər Ukrayna pilotsuz uçuş aparatlarının Sankt-Peterburqa hücumu ilə əlaqədar olub.

Hyakkyanen qeyd edib ki, təhlükəsizlik məqsədilə pilotsuz uçuş aparatlarının zərərsizləşdirilməsi zamanı Finlandiya körfəzində hava və dəniz nəqliyyatının hərəkətini dayandırmaq zərurəti yarana bilər. Nazir vurğulayıb ki, körfəz dar ərazi olduğundan vəziyyət qısa müddətdə dəyişə bilər.

O, həmçinin vətəndaşlara rəsmi xəbərdarlıqları diqqətlə izləməyi tövsiyə edib. Nazirin sözlərinə görə, dənizdə hərəkət bir neçə saatlıq məhdudlaşdırılarsa, balıqçılar və digər istifadəçilər planlarını buna uyğun dəyişməli olacaqlar.

Oxşar xəbərlər

Şəhidlər xiyabanına xalq ziyarəti axşam saatlarında da davam edir

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Yasamalda bina təhlükə altındadır: Sakinlər ölüm qorxusu ilə yaşayırlar

Nazirlikdən "Baku Electronics" MMC-yə məxsus mağazada YOXLAMA

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib