Yaponiya hökuməti enerji sabitliyinin təmin edilməsi üzrə plan qəbul etmək niyyətindədir. Plan Yaxın Şərqdə neftin Hörmüz boğazından yan keçməklə nəqlini təmin edəcək alternativ neft kəmərlərinin tikintisinə dəstəyi nəzərdə tutur.

"Report"un məlumatına görə, bu barədə NHK telekanalı xəbər verib.

Planın avqustun 26-da hökumətin iclasında rəsmi təsdiqlənəcəyi gözlənilir. Sənəd həmçinin neft-kimya sənayesinin mühüm komponenti olan nafta istehsalı üçün neft ehtiyatlarının yaradılmasını nəzərdə tutur. Nafta tədarükündə yaranan fasilələr Yaponiya biznesində narahatlıq doğurur.

Nikkei-nin məlumatına görə, planı Yaponiyanın Baş naziri Sanae Takaichi hökumətin iclasında təqdim etməyi planlaşdırır. Nəşr alternativ neft kəmərlərinin yaradılması üzərində çalışan ölkələr sırasında Səudiyyə Ərəbistanının adını çəkir. Yaponiyanın bu təşəbbüsləri dəstəkləyəcəyi gözlənilir.

Proqram çərçivəsində alternativ marşrutlarla neft alan neft emalı zavodlarının və digər şirkətlərin xərclərinin subsidiyalaşdırılması planlaşdırılır. Bundan əlavə, belə tədarüklər üçün sığorta təminatı da nəzərdə tutula bilər.

Müvafiq qanun layihəsinin payızda parlamentin növbədənkənar sessiyasına təqdim ediləcəyi gözlənilir.

Son illərdə Yaponiya neft idxalının 90 faizindən çoxunu Yaxın Şərq ölkələrindən həyata keçirib və bu tədarüklərin əhəmiyyətli hissəsi Hörmüz boğazından keçib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Heydər Əliyev Fondunun dəstəyi ilə alınan musiqi alətlərinin təqdimatı olub

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN