Avropa-Azərbaycan Məktəbinin havalandırma və soyutma sisteminin yaratdığı səs-küy ətrafda yaşayan sakinlərin narazılığına səbəb olub.

Bununla bağlı Baku TV-nin qaynar xəttinə müraciət daxil olub.

Badamdar qəsəbəsində yaşayan sakinlərin sözlərinə görə, gecə və səhər saatlarında fasiləsiz işləyən havalandırma sistemindən yüksək səslər gəlir. Onlar bildiriblər ki, problemlə bağlı üç ildir məktəb rəhbərliyinə və aidiyyəti qurumlara müraciət etsələr də, indiyədək hər hansı tədbir görülməyib.

"Səhərə qədər yatmaq mümkün deyil. Bu səsə görə yata bilmirik. Nə edək? Buradan köçək? Bu evi almışıq. Bu gecə səhərə qədər oğlum yata bilməyib", - sakinlərdən biri deyib.

Digər sakin isə uzun müddətdir bu problemdən əziyyət çəkdiyini bildirib:

"Altı ildir bu əziyyətlə yaşayırıq. Havalandırma sisteminin səsindən dəfələrlə məktəbə şikayət etmişik. Lakin problem həll olunmayıb".

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

İllər əvvəl filmlərə çəkilən AZƏRBAYCANLI MÜĞƏNNİLƏR

Qazaxın İkinci Şıxlı kəndində yanacaqdoldurma məntəqəsi və TIR parkı tikilir? - NARAZILIQ

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib

Azərbaycanlı müğənnilər bu xarici ulduzlarla duet oxuyublar - SİYAHI