Rusiya-Ukrayna müharibəsi neftin və digər bahalı resursların alınması və ya bundan imtina edilməsi ilə həll olunmayacaq.

"Far.Az"un Şərqi Avropa bürosunun məlumatına görə, bunu Hindistanın xarici işlər naziri Subarmanyana Cayşankar sentyabrın 3-ü Kiyevə səfəri zamanı mətbuat konfransında bildirib.

S. Cayşankar qeyd edib ki, Hindistan əhalisinin özünün enerji ilə təmin edilməsi ilə bağlı çətinlikləri var:

"Mən hesab edirəm ki, 1 milyard 400 milyon insanı enerji ilə təmin etməyin mürəkkəbliyini dərk edirsiniz. Dünyada enerji ilə bağlı vəziyyət çox mürəkkəbdir. Ukraynanın bu məsələ ilə bağlı öz mövqeyi var və Hindistan da buna hörmət edir, biz öz mövqeyimizə də hörmət edilməsini gözləyirik".

Hindistanın XİN başçısı qeyd edib ki, bu müharibə diplomatiya və danışıqlar yolu ilə həll olunacaq:

"Artıq beşinci ildir davam edən bu münaqişə kiminsə neft, alüminium oksidi, minerallar, metallar və ya gübrələr alıb-almaması səbəbindən həll olunmayacaq. Bu münaqişə dialoq, diplomatiya və danışıqlar vasitəsilə həll olunacaq və məhz buna görə biz ancaq danışıqları dəstəkləyirik".

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

WUF13-ün beşinci günündən maraqlı anlar - FOTOREPORTAJ

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib