İspaniya polisi Avropolla birlikdə Avropanın iri kokain alverçilərinə xidmət göstərən beynəlxalq kölgə bank şəbəkəsini ləğv edib.

"Report" xəbər verir ki, bu barədə "Reuters" məlumat yayıb.

Agentliyin məlumatına görə, cinayətkar təşkilat narkotik tədarükünü maliyyələşdirib, pulları bank sistemindən yan keçməklə xaricə köçürüb, gəlirləri yuyub və hesablaşmalar üçün kriptovalyutadan istifadə edib.

Beş il davam edən beynəlxalq istintaq çərçivəsində 21 şübhəli saxlanılıb. İspaniyada 14 nəfər həbs edilib, qalanları isə BƏƏ, Misir, Niderland və İsveçdə saxlanılıb. Daha 12 şübhəli azadlıqdadır. Saxlanılanlar arasında istintaqın əməliyyatın əsas hədəflərindən biri hesab etdiyi kölgə maliyyə şəbəkəsinin əsas iştirakçısı da var.

Hüquq-mühafizə orqanlarının əməkdaşları həmçinin təxminən 20 milyon avro məbləğində aktivləri bloklayıblar. Onların arasında 2,3 milyon avro olan 121 bank hesabı, dəyəri 14 milyon avrodan çox olan 48 daşınmaz əmlak obyekti və dəyəri 1,6 milyon avrodan çox olan lüks sinif avtomobilləri var.

İstintaq 2021-ci ildə göyərtəsində 1,84 ton kokain olan "Nehir" gəmisinin ələ keçirilməsindən sonra başlayıb. Qaçaqmalçılar 1,65 ton ağırlığında daha bir narkotik partiyasını gizlətməyə çalışaraq gəmini qəsdən Xixon limanında batırıblar. İşin araşdırılması müstəntiqlərə beynəlxalq gizli maliyyə şəbəkəsinin izinə düşməyə imkan verib.

Oxşar xəbərlər

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Azərbaycan və BƏƏ prezidentləri Cıdır düzündə Qarabağ atlarının şousunu izləyiblər

Leyla Əliyeva Qəbələdə "Gənc arıçı" layihəsinin iştirakçısı ilə görüşüb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN