İcbari tibbi sığorta çərçivəsində ambulator dərman təminatının ilk mərhələsində arterial hipertenziyanın müalicəsində istifadə olunan preparatların qarşılanması planlaşdırılır.

Dövlət Tibbi Sığorta və Ekspertiza Agentliyinin İctimaiyyətlə əlaqələr şöbəsinin müdiri Gülnar Hacaliyeva BAKU.WS-ə bildirib ki, ilkin mərhələdə 28 təsiredici maddə, müxtəlif dozalar və kombinasiyalar nəzərə alınmaqla 76 adda dərman vasitəsi müəyyən edilib. Yekun siyahı təsdiqləndikdən sonra ictimaiyyətə açıqlanacaq.

Dərmanlar təsiredici maddə, doza və farmasevtik formaya əsasən təyin ediləcək. Vətəndaşın ən azı bir dərman alternativini əlavə ödəniş etmədən əldə edə bilməsi planlaşdırılır.

Daha bahalı alternativ seçildiyi halda isə onun qiyməti ilə sığorta tərəfindən qarşılanan məbləğ arasındakı fərqin vətəndaş tərəfindən ödənilməsi nəzərdə tutulur.

Şahanə Xankişiyeva

Oxşar xəbərlər

Xəstələr nə vaxt dərmanları pulsuz alacaqlar, ilk növbədə kimlərə şamil olunacaq?

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN