ABŞ Müdafiə Nazirliyi (Pentaqon) süni intellekt sahəsində fəaliyyət göstərən "Fluidstack" startapına təxminən 5 milyard dollar həcmində kredit verilməsini müzakirə edir.

"Report" xəbər verir ki, bu barədə "The Wall Street Journal" mənbələrə istinadən məlumat yayıb.

Məlumata görə, kredit ABŞ-ın təchizat zəncirlərinin və məlumat mərkəzləri üçün komponentlərin istehsalının gücləndirilməsinə yönəldilə bilər.

Vəsait Pentaqonun ABŞ-ın milli təhlükəsizliyi baxımından strateji əhəmiyyət daşıyan layihələri maliyyələşdirən Strateji Kapital İdarəsi (OSC) tərəfindən təqdim oluna bilər. Sövdələşmə təsdiqlənərsə, bu kredit idarənin tarixində ən böyük maliyyələşdirmə olacaq.

Tərəflər arasında danışıqların bir neçə aydır davam etdiyi bildirilir. Bununla belə, sövdələşmənin yekun şərtləri hələ razılaşdırılmayıb.

"Fluidstack" 2017-ci ildə Londonda təsis edilib. Sonradan şirkət ABŞ-da süni intellekt infrastrukturunun inkişafına fokuslanıb və baş qərargahını Nyu-Yorka köçürüb.

Startap ABŞ-ın bir neçə ştatında məlumat mərkəzlərinin yerləşdirilməsi üçün ərazilərin uzunmüddətli icarəsinə dair müqavilələr də imzalayıb.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

Heydər Əliyev Fondunun vitse-prezidenti Leyla Əliyeva Londonda yüksəksəviyyəli iqlim dialoqunda iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2