Turistlərin axın etdiyi Palçıq Vulkanları Turizm Kompleksinin Təbiət tarixi sərgi zalı maraqlı və nadir eksponatlarla diqqət mərkəzindədir. Belə ki, burada Azərbaycan və dünya faunasına aid 1000-ə yaxın eksponat nümayiş olunur.

Far.Az xəbər verir ki, kompleksdə skeleti nümayiş olunan maraqlı və nadir heyvan eksponatlarından biri də 55-75 min il əvvəl, son Pleystosen dövründə (Yer kürəsində güclü buzlaşmaların və soyuq iqlim mərhələlərinin təkrarlandığı əsas dövrlərdən biri) müasir Cənubi Qafqaz ərazisində yaşayan nəsli kəsilmiş kərgədandır.

Bu heyvan növünün qalıqları ilk dəfə 1938-ci ildə Bakı yaxınlığında Binəqədi kəndində, "Binəqədi IV dövr fauna və florası təbiət abidəsi"ndə aşkar edilib.

Binəqədi kərgədanı yunlu kərgədanla yaxın qohumdur, bəzi alimlərin fikrincə isə onlar eyni növüdür. Müasir kərgədanlar kimi Binəqədi kərgədanının bir-birinin ardınca yerləşən iki buynuzu mövcud olub. Onların dişləri Asiya növündən fərqlənir və daha çox Afrika kərgədanına yaxındır.

Onu da bildirək ki, bu kərgədanının mövcud olduğu təbii arealda canavar, bəbir, porsuqlar, nəhəng marallar, vəhşi uzunqulaqlar və buz dövrünün digər heyvanları yaşayıb.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

İlham Əliyev Ağdamda 2-ci yaşayış kompleksinin açılışında iştirak edib

Bakıda keçirilən WUF13 dünya mediasının diqqət mərkəzindədir

Turistlərin axın etdiyi Alban məbədi baxımsız vəziyyətdədir

Qış turizm mövsümü öncəsi daxili turizm imkanları nümayiş etdirilib