İngiltərə Premyer Liqasının müstəqil komissiyası "Mançester Siti" klubunu maliyyə qaydalarının pozulması ilə bağlı ittihamların böyük hissəsi üzrə təqsirli bilib.

"Report" xəbər verir ki, bu barədə Premyer Liqanın rəsmi açıqlamasında bildirilib.

Araşdırmaya əsasən, "Mançester Siti" 2009-2018-ci illər ərzində bəzi kommersiya tərəfdaşları ilə real maliyyə vəziyyətini əks etdirməyən müqavilələr bağlayıb.

Komissiyanın qənaətinə görə, klub bu müqavilələr vasitəsilə gəlirlərini olduğundan çox, xərclərini isə daha az göstərməyə çalışıb.

Nəticədə klubun maliyyə hesabatlarında real vəziyyətin düzgün əks olunmadığı və bu məlumatların auditorlardan, eləcə də futbol qurumlarından gizlədildiyi müəyyənləşdirilib.

Komissiya hesab edir ki, bu yollarla klubun gəlirləri süni şəkildə artırılıb, xərcləri isə 900 milyon funt sterlinqdən çox azaldılıb. Bununla da "Mançester Siti"nin maliyyə qaydalarına uyğun fəaliyyət göstərdiyi görüntüsü yaradılıb.

Araşdırma zamanı klubun həm Premyer Liqanın, həm də UEFA-nın maliyyə tələblərini ciddi şəkildə pozduğu da müəyyən edilib.

Bundan başqa, komissiya "Mançester Siti"nin Premyer Liqanın apardığı araşdırma ilə bağlı tələb olunan məlumatları tam təqdim etmədiyini və istintaqın gedişinə mane olmağa çalışdığını bildirib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2