1000-dən çox polis Almaniya, Belçika, Bolqarıstan və Niderlandda "Hells Angels" bayker qruplaşmasının üzvləri ilə əlaqəli beynəlxalq çirkli pulların yuyulması şəbəkəsinə qarşı yönəlmiş reydlər keçirib.

"Report" xəbər verir ki, bu barədə "dpa" agentliyi mənbələrə istinadən məlumat yayıb.

Bildirilib ki, 14 həbs orderi icra edilib və Almaniya hakimiyyəti 48,6 milyon avro dəyərində aktivləri müsadirə etməyə çalışır.

Polisin məlumatına görə, 100-dən çox daşınmaz əmlak obyektində axtarış aparılır və 71 nəfər barəsində istintaq aparılır. Axtarışların əksəriyyəti Almaniya ərazisində həyata keçirilib.

Şübhəlilər arasında bütün Almaniya və Avropa boyu fəaliyyət göstərən çirkli pulların yuyulması şəbəkəsinə cavabdeh olan şəxslər, həmçinin bayker qruplaşmasının yüksək rütbəli üzvləri var. Onlar cinayətkar təşkilat yaratmaq, hədə-qorxu ilə tələb etmə, mütəşəkkil dələduzluq və çirkli pulların yuyulması kimi cinayətlərdə şübhəli bilinirlər. İstintaq həmçinin silahla bağlı ehtimal edilən cinayətləri, hücumları və vergidən yayınma hallarını da əhatə edir.

Oxşar xəbərlər

Ermənistan vətəndaşlarının məhkəməsində prokurorların təklifləri səsləndirilib

Ermənistan vətəndaşlarının məhkəməsində hökm elan olunub - YENİLƏNİB

Azərbaycanda 57 ticarət obyektində aksizli mallarla bağlı pozuntular aşkarlanıb

Arayik Arutyunyan və digərlərinə hökm oxundu

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2