İmişli rayonunda torpaq qatının şoranlaşmasının qarşısı almaq üçün işlər aparılır.

İmişli Su Meliorasiya Sistemlərinin İstismarı İdarəsindən "Far.Az"un Muğan bürosuna verilən məlumata görə, bu məqsədlə rayon ərazisində əsasən torpaq üzlüklü kanallar beton üzlüyə alınır.

Qeyd edilir ki, bunun nəticəsində su sahələrə itkisiz çatır. Eyni zamanda torpaq qatının şoranlaşmasının qarşısı alınır.

Rayon ərazisində mövcud olan kanalların 430 kilometri beton üzlüklüdür. Hazırda rayonun Qaralar və Muradallı kəndləri ərazilərində 280 hektar sahəyə xidmət göstərən və uzunluğu 5 600 metr olan su kanalında betonlanma işləri davam etdirilir.

Həmçinin Çaxırlı kəndi ərazisində ümumi uzunluğu 1 750 metr olan Künc arx kanalının 750 metr hissəsində novlar quraşdırılıb.

Qeyd edək ki, İmişli Su Meliorasiya Sistemlərinin İstismarı İdarəsi rayon ərazisində 54 min 200 hektar əkin sahəsinə 1 140 kilometr uzunluqda suvarma kanalları vasitəsilə xidmət göstərir.

Oxşar xəbərlər

Azərbaycanda bəzi bitkilər üzrə yalnız məhsul subsidiyası veriləcək

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Qaxda torpaq məcralı kanallar lildən təmizlənir, selə qarşı mübarizə tədbirləri aparılır

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4