Perunun paytaxtı Limada keçiriləcək yeniyetmələr arasında dünya çempionatında iştirak edən Azərbaycan cüdoçuları - Cəsur İbadlı və Mehdi Abbasov medallar qazanıblar.

Bu barədə “Report”a Azərbaycan Cüdo Federasiyasından bildirilib.

Məlumata görə, Cəsur İbadlı (-73 kq.) qızıl medala sahib olub. Mehdi Abbasov (-81 kq.) isə bürünc medal qazanıb.

Azərbaycan 5 çəki dərəcəsində 7 nəfərdən ibarət heyətlə təmsil olunur. Yeniyetmələrdən ibarət komandanın məşqçiləri Nicat Şıxəlizadə və Emin İskəndərovun rəhbərliyi altında yarışda Bahadır Feyzullayev, Məhəmmədəli Hüsiyev (50 kq), Nihad Məmişov (55 kq), Cəsur İbadlı (73 kq), Əli Qazıməmmədov, Mehdi Abbasov (81 kq) və Sübhan Axundov (90 kq) mübarizə aparır.

Dünən dünya çempionatında 2 çəki dərəcəsində 3 cüdoçumuz güclərini sınayıb. Yarışın üçüncü günündə oğlanlar arasında -73 kq. çəkidə Cəsur İbadlı,-81 kq. çəkidə Mehdi Abbasov və Əli Qazıməmmədov tatamiyə çıxıblar.

Qeyd edək ki, 49 ölkədən 405 idmançının qatılacağı turnir avqustun 28-dən 31-nə qədər keçirilir.

Oxşar xəbərlər

Azərbaycan cüdoçuları dünya çempionatında iştirak edəcək

Azərbaycanın yeniyetmə cüdoçusu ikiqat dünya çempionu olub

Kamandan Oxatma üzrə Azərbaycan birinciliyi və çempionatının qalibləri müəyyənləşib

Paris-2024: Azərbaycan parataekvondoçusu qızıl medal qazanıb – YENİLƏNİB-2

Azərbaycan güləşçiləri dünya çempionatında 2 bürünc medal qazanıb