Son illərdə audit obyektlərində eyni nöqsanların təkrar baş verməsi halları müşahidə olunur.

Far.Az xəbər verir ki, bu barədə Hesablama Palatasının əməkdaşı Vüsal Quliyev məlumat verib.

Onun sözlərinə görə, 2022-ci ildə Palata tərəfindən həyata keçirilmiş nəzarət tədbirlərindən 13-ü ən azı 3-cü dəfə eyni obyektə dair olub. Bu göstərici 2023-cü ildə 14, 2024-cü ildə isə 19-a yüksəlib. Müəllif bildirir ki, eyni əməkdaşların eyni nöqsanlara təkrar yol verməsi dövlət maliyyə idarəçiliyi baxımından ciddi siqnaldır və ictimai etimadın zəifləməsinə gətirib çıxara bilər.

Vüsal Quliyev hesab edir ki, nöqsanların təkrarlanmasının qarşısını almaq üçün bir sıra yeni yanaşmaların tətbiqi zəruridir. Onun sözlərinə görə, HR (İnsan Resursları) auditi, strateji plan təcrübəsi, auditlə yanaşı təlimlərin keçirilməsi və hətta müşavirlik funksiyasının gücləndirilməsi bu istiqamətdə effektiv ola bilər. Həmçinin, əməliyyat planının tətbiqi və risk statusunun müəyyənləşdirilməsi təşkilatlarda şəffaflıq və hesabatlılığın artırılmasına, nöqsanların vaxtında qarşısının alınmasına xidmət edə bilər: "Bu yanaşmalar növbəti auditlərin daha səmərəli nəticələr verməsinə şərait yaradacaq".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Əfv Sərəncamı imzalayıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib