Dövlət teatrlarında bədii rəhbər, baş rejissor, baş rəssam və digər bir sıra vəzifələr ləğv edilib.

Bu vəzifələri icra edən teatr işçilərinin qəbul olunan qərara reaksiyaları isə müxtəlif olub.

Rejissor Tural Mustafayev bildirib ki, iki-üç nəfəri işdən çıxarmaq üçün bütün sistem dəyişməməlidir: "Köhnə sovet sistemindən imtina edirik, bəs buna hazırıqmı? Bu gün Azərbaycan teatrı heç bir sistem dəyişikliyinə hazır deyil. Teatr haqqında qanunda dövlət himayədarlığı haqqında yazılıb. Bəs himayədarlıq nədir? Əgər biz prodüser sisteminə keçiriksə, onda bu anlaşılmır. Qanunda iş aparılmalı və hər şey yerli-yerində olmalıdır".

Mədəniyyət nazirinin müşaviri Oleq Əmirbəyov qərarın zəruriliyini belə izah edib: "Ştatlar üzrə ixtisar aparılmayıb. Həmin vəzifələri icra edən şəxslər yenilənmiş struktur çərçivəsində quruluşçu rejissor, yaradıcı şöbə müdiri, rəssam və quruluşçu rəssam kimi vəzifələrdə fəaliyyətlərini davam etdirə bilərlər. Qərar teatrların idarəetmə mexanizmlərinin təkmilləşdirilməsinə, fəaliyyətin sistemləşdirilməsinə və səmərəliliyin artırılmasına yönəlib. Qərarın hazırlanmasında teatr rəhbərləri, sahə üzrə ekspertlər, mütəxəssislər və aidiyyəti komissiyalar iştirak edib".

Oxşar xəbərlər

Nazirliyin teatr sektorunun müdiri: İslahatlardan sonra kiminsə işsiz qalmaq təhlükəsi yoxdur – MÜSAHİBƏ

Anar Ələkbərov "44" bədii filminin çəkilişlərinin başa çatması barədə paylaşım edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

"Tağıyev: Neft" bədii filminin ABŞ-də təqdimatı baş tutub