İran Milli Bankının Bakı filialı bu ilin I rübünü 1,328 milyon manat mənfəətlə başa vurub.

"Far.Az" filialın maliyyə hesabatına istinadən xəbər verir ki, bu, ötən ilin eyni dövrü ilə müqayisədə 13,1 % azdır.

Yanvar-mart aylarında İran bankının gəlirləri 1,314 milyon manat (1 il əvvələ nisbətən 10,7 % çox), xərcləri 561 min manat (16,6 % çox), xüsusi ehtiyatlara ayırmalar üzrə qənaəti 575 min manat (6,9 % çox) təşkil edib. Filial mənfəət vergisi ödəməyib.

Bu il aprelin 1-nə İran bankının aktivləri 121,08 milyon manat olub ki, bu da illik müqayisədə 0,9 % çoxdur. Bunun 2,066 milyon manatı müştərilərə verilmiş xalis kreditlərdir. Son 1 ildə Bakı filialının kredit portfeli 71,5 % böyüyüb.

Hesabat dövründə İran bankının öhdəlikləri 4,5 % azalaraq 66,399 milyon manat, o cümlədən depozit portfeli 6,1 % artaraq 37,401 milyon manat, balans kapitalı isə 8,3 % artaraq 54,681 milyon manat olub.

Xatırladaq ki, İran Milli Bankının Bakı filialı 1993-cü ildən fəaliyyət göstərir. Onun nizamnamə kapitalı 73,611 milyon manatdır.

Oxşar xəbərlər

Leyla Əliyeva Türkmənistanda Qayğıya ehtiyacı olan uşaqlara yardım üzrə xeyriyyə Fondunun Avaza filialının açılışında iştirak edib

İran Milli Bankının Bakı filialının mənfəəti 43 %-ə yaxın azalıb

"Bank VTB Azərbaycan"ın depozit portfeli 11 %-ə yaxın azalıb

"AFB Bank"ın xalis mənfəəti 7 % azalıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2