ABŞ Dövlət Departamenti 50 ölkə vətəndaşına 20 min dollara qədər girov müqabilində giriş vizalarının verilməsini nəzərdə tutan qaydaları daimi əsasda tətbiq etmək qərarına gəlib.

"Far.Az" xəbər verir ki, bu barədə ABŞ-nin Federal Reyestrində dərc olunan bildirişdə qeyd olunub.

Siyahıya Əlcəzair, Anqola, Antiqua və Barbuda, Banqladeş, Benin, Botsvana, Burundi, Butan, Vanuatu, Venesuela, Qabon, Qambiya, Qvineya, Qvineya-Bisau, Qrenada, Gürcüstan, Cibuti, Dominika, Zambiya, Zimbabve, Kabo-Verde, Kamboca, Qırğızıstan, Kot-d'İvuar, Kuba, Lesoto, Mavriki, Mavritaniya, Malavi, Mozambik, Monqolustan, Namibiya, Nepal, Nigeriya, Nikaraqua, Papua-Yeni Qvineya, San-Tome və Prinsipi, Seyşel adaları, Seneqal, Tacikistan, Tanzaniya, Toqo, Tonqa, Tuvalu, Tunis, Türkmənistan, Uqanda, Fici, MAR və Efiopiya daxil edilib.

Sənəddə qeyd edildiyi kimi, proqrama dəyişikliklər edilib. Əgər son bir il ərzində konkret hallardan asılı olaraq girovun məbləği 5 min, 10 min və ya 15 min dollar təşkil edirdisə, indi maksimal məbləğ 20 min dollara qədər artırılıb, 5 min dollarlıq girov variantı isə ləğv edilib.

Dövlət Departamentinin məlumatına görə, əcnəbi vətəndaş ABŞ-ni vaxtında tərk etdikdən sonra girov tam həcmdə qaytarılır.

Oxşar xəbərlər

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

Prezident İlham Əliyev Əfv Sərəncamı imzalayıb

Banqladeş, Qətər, Pakistan vətəndaşları İrandan Azərbaycana təxliyə olunub

Kabo Verde DÇ-2026-da ardıcıl ikinci xalını qazanıb

Leyla Əliyeva Türkmənistan milli mətbəxinə həsr olunan sərgidə iştirak edib