Geyindiyimiz paltarlar bəzən dərimizdə dərin izlər buraxır. Hətta üzdə və gözlərin ətrafında şişkinliyə gətirib çıxarır. Bəs bu əlamətlər hansı hallarda ciddi siqnal hesab olunur?

Mövzu ilə bağlı Baku TV-yə açıqlama verən allerqoloq Ramil Qocayev bildirib ki, bədənlə təmasda olan geyimlər və digər vasitələr orqanizmdə müxtəlif allergik reaksiyalar yarada bilər:

"Xüsusilə, geyimlərin tərkibindəki kimyəvi maddələrin və tünd rənglərin həddindən artıq olması bədənin müxtəlif nahiyələrində səpkilər, qızartılar, sulanmalar və gözətrafında quruluq kimi fəsadlara yol açır. Ümumiyyətlə, təmasda olduğumuz hər bir əşya allergiya mənbəyinə çevrilə bilər. Hər orqanizmin fərdi xüsusiyyətləri olduğu üçün reaksiyalar da müxtəlifdir. Burada həm yeni, həm də köhnə geyimlər əsas risk faktorları sırasındadır".

Həkim, xüsusilə, mövsüm dəyişikliyi zamanı diqqətli olmağı tövsiyə edib:

"Payızın gəlişi ilə uzun müddət saxlanılan yerlərdən çıxarılan geyimlərdə toz gənələri və ya müxtəlif mikroorqanizmlər məskən sala bilər. Bu da orqanizmdə asqırma, gözlərdə sulanma və qızartı ilə müşayiət olunan mövsümi allergik reaksiyalara səbəb ola bilər. Belə hallara daha çox yaz və payız fəsillərində rast gəlinir".

Oxşar xəbərlər

Azərbaycanın Təbrizdəki konsulu Ramil İmranov Göyçayda dəfn olunub

Həyatda yaxşı şeyləri niyə görmürük? - Tanınmış simaların FİKİRLƏRİ

Məşhur müğənni niyə səhnədə niyə açıq-saçıq geyimlər geyinmir?

Güclü qar Qəbələnin dağlıq kəndlərinə gediş-gəlişi çətinləşdirib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN