"Mavi su" adlandırılan çaylar, torpaq və yeraltı su ehtiyatları insanlar tərəfindən həddindən artıq istifadə edilir, çirkləndirilir və düzgün idarə olunmur.

"Far.Az" xəbər verir ki, bunu Qlobal Su İqtisadiyyatı Komissiyasının təsisçi komissarı və icraçı direktoru Henk Ovink Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Su Konfransı: Şəhər Mənzil Sektorunun İnkişaf Yol Xəritəsi" adlı tədbirdə bildirib.

Onun sözlərinə görə, su təhlükəsizliyinin pozulması böyük risklər yaradır: "Əsas problem isə təbiətdən qaynaqlanan "yaşıl su" ilə bağlıdır: "Bitkilərdən və torpaqdan havaya yayılan su buxarı quru ərazilərdə yağıntının yarıdan çoxunu formalaşdırır. İqlim dəyişikliyi səbəbindən güclü yağış hadisələri daha dağıdıcı xarakter alır. Su təkcə insanların ehtiyac duyduğu resurs deyil, həm də mədəniyyətləri, sərhədləri və qitələri birləşdirən amildir".

H. Ovink bildirib ki, BMT-nin 2023-cü il Su Konfransı ərəfəsində yaradılmış Qlobal Su İqtisadiyyatı Komissiyası suyun iqtisadiyyat üçün əhəmiyyətini araşdırmaq məqsədi daşıyıb: "Komissiyada prezidentlər, alimlər, icma liderləri və gənc fəallar təmsil olunurdu. Üzvlərin üçdə ikisi əvvəllər su sahəsində çalışmamışdı. Məhz buna görə onlar suyun həqiqi dəyərini anlamaq üçün prosesə cəlb edilib. Suyun dəyəri daha çox hidrologiya dövriyyəsi ilə izah olunur".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib