12 illik tam orta təhsildən sonra 3 illik bakalavr sistemi məqsədəuyğundur.

"Far.Az" xəbər verir ki, bunu Milli Məclisin Sosial qanunvericilik şöbəsinin müdiri Adil Vəliyev parlamentin Elm və təhsil komitəsinin bugün iclasında deyib.

Onun sözlərinə görə, bakalavr təhsilinin üç ilə endirilməsi "Ali təhsil haqqında" yeni qanunvericilikdə indiki reallıqda mümkün deyil:

"Çünki burada məsələni kompleks həll etməliyik. "Təhsil haqqında qanun"da və "Ümumi təhsil haqqında qanun"da ibtidai təhsilin müddəti 1 və 4-cü, ümumi orta təhsil 5 və 9-cu, tam orta təhsil müddəti isə 10 və 11-ci sinifləri əhatə edir. Ümumilikdə 11 illik sistemdir".

A.Vəliyev bildirib ki, bu, əslində, ölkənin hüdudlarından kənarda top universitetlərdə təhsil almaq istəyən şagirdlər üçün də müəyyən mənada çətinlik yaradır:

"Çünki həmin universitetlər bizim şagirdlərdən 12 illik təhsil sistemini alır. Nəticədə bəzi şagirdlərimiz Azərbaycanda fəaliyyət göstərən digər özəl təhsil komplekslərində həmin müddəti kompensasiya etməyə məcbur qalırlar. Ona görə də 12 illik təhsilə keçməklə növbəti mərhələdə avtomatik olaraq üçillik bakalavr sistemini çox rahat şəkildə tətbiq etməyin mümkün olduğunu düşünürəm. Ancaq hazırkı vəziyyətdə 11 il tam orta təhsil, üstəgəl 3 il bakalavr o qədər də məqsədəuyğun sayılmayacaq".

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

"Oracle Advisory Group" parlament seçkilərində "exit poll"un nəticələrini açıqlayıb

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2