Azercell Amazon Web Services ilə əməkdaşlıq çərçivəsində tələbələrin data və süni intellekt sahəsində bilik və bacarıqlarını artırmaq məqsədilə "DataMinds Azercell" bootcamp təşəbbüsünü elan edir.

Bu proqram Azərbaycanda data sənayesinin inkişafına töhfə vermək məqsədi daşıyır. Eyni zamanda, layihə tələbələrin akademik biliklərinin müasir sənayenin tələbləri ilə uzlaşdırılmasına dəstək göstərərək, onların peşəkar mütəxəssislər kimi formalaşmasını hədəfləyir.

21 iyul – 5 sentyabr tarixlərində keçiriləcək intensiv proqram Amazon Web Services-in qabaqcıl hibrid cloud texnologiyaları təminatı ilə DataOps, MLOps və Generativ AI sahələrini əhatə edəcək. Dərslər Azercell-in Data və AI komandasında çalışan ekspertlər tərəfindən keçiriləcək.

Proqram STEM ixtisasları üzrə təhsil alan və Big Data və Süni intellekt sahəsində karyera qurmaq istəyən 3-4-5-ci kurs bakalavr, həmçinin magistratura tələbələri üçün nəzərdə tutulub. Proqramda iştirak etmək istəyən gənclər 27.06.2025 tarixinədək bu link üzərindən qeydiyyatdan keçməlidirlər.

Namizədlər üç mərhələli seçim prosesi çərçivəsində proqram tələblərinə uyğunluq, dil və bacarıq testləri və müsahibələr əsasında dəyərləndiriləcəklər. Yekunda 25 tələbə proqramda iştirak hüququ əldə edəcək.

Proqramı uğurla bitirən iştirakçılar sertifikatla təltif olunacaq və Azercell-də data sahəsi üzrə təcrübə keçmək imkanı əldə edəcəklər.

Ətraflı məlumat və suallar üçün: [email protected] 

Oxşar xəbərlər

Maşın qiymətinə olan telefon nömrələri satışa çıxarıldı - SİYAHI

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

HONOR süni zəka əsaslı ekosistemə keçid strategiyasını təqdim edib